Në Gjykatën Speciale teksa po dëshmon juristi amerikan, Paul Williams, u përmend edhe FARK-u (Forcat e Armatosura të Republikës së Kosovës).
Williams rrëfeu atë që dinte, duke thënë se “Bujar Bukoshi përpiqej të krijonte një FARK – bazuar fillimisht në Shqipëri dhe që përbehej nga oficerë shqiptarë apo oficerë që kishin shërbyer në forcat ushtarake të Jugosllavisë”.
Duke iu përgjigjur pyetje, juristi tregoi se Bukoshi nuk i kishte kërkuar kurrë këshillë në lidhje me FARK-un, por në bisedat e tij me të dhe me diasporën shqiptaro-amerikane, kjo ishte pjesë e diskutimeve.
“Ishte pjesë e tensionit të thellë, ishte ndërmarrje e re e LDK-së, për të krijuar një krah të armatosur. FARK-u do të kishte aktorë shtesë të armatosur jo shtetëror i cili do të luftonte në emër të popullit të Kosovës dhe duke qenë se do të ishte profesionist pasi do të përbehej me ish-oficerë të ushtrisë jugosllave, dhe kishte gjasa të bëhej aktor në mos, më efikas dhe efektiv i armatosur jo shtetëror, dhe për rrjedhojë do të mënjanonte UÇK-në”, tha Williams tutje, njofton Klankosova.tv.
