Komuna e Obiliqit ka shpërblyer më kontratë prej 9,610 euro biznesin D.P.H. “In – Goj” më teenderin e shpallur me titull “Shërbimet e byfes për Komunën e Obiliqit,
Veriu.info ka siguruar njoftimin mbi vendimin e autoritetit kontraktues (Komunës së Obiliqit), ku thuhet se oferta e këtij biznesi ka qenë më e lira.
Pas hulumtimit të bërë në Agjencinë e Regjistrimit të Bizneseve, Veriu.info ka gjetur se ky biznes mbanë emrin ligjor “Kushtrim Sallova B.I.”, përderisa vetëm emrin tregtar e ka D.P.H. “In – Goj”.
Po kush është Kushtrim Sallova, pronari i biznesit të shpërblyer me kontratë nga komuna e udhëhequr nga kryetari Xhafer Gashi?
Veriu.info ka gjetur se Kushtrim Sallova është një militantë i ‘flaktë’ i kryetarit Xhafer Gashi, ku në profilin e tij në Facebook ka dhjetëra postime të shpërndara të kryetarit të Obiliqit.
Për me tepër, ‘dostnillaku’ mes kryetarit të komunës dhe pronarit të biznesit të shpërblyer me kontratë shihet edhe në një postim të këtij të fundit, kur më 2019 kryetari Xhafer Gashi e kishte surprizuar me torte për ditëlindje Kushtrim Sallovën.
Si për ironi, një person i kishte komentuar Kushtrim Sillovës në këtë postim duke shkruar: “Urime z.Sallova me gezime! Tkom than që mos ju qkoq gashve se nuk ndahesh keq :D”.
Tash komenti i tij po del të ishte shumë indikativ, pasi që po shihet se Kushtrim Sillova nuk është ndarë keq, pasi që është shpërblyer me kontratë prej 9,610 euro.
