Ish-banorja e Big Brother VIP Kosova 3, Xheneta Fetahu, ka folur hapur për përballjet e saj të pas-shout me Gjestin gjatë një live në TikTok.
Ajo ka zbuluar se ka pasur disa takime me Gjestin, si në ambientet e Top Channel, ashtu edhe në palestër.
“Kur kam kuptuar në çfarë ore ushtron, e kam ndërruar orarin”, ka thënë modelja shqiptare, duke lënë të kuptohet se ka preferuar të shmangë kontaktin e drejtpërdrejtë me të.
Në lidhje me raportin e tyre, Xheneta ka zbuluar se i ka dërguar një urim për ditëlindje Gjestit, por nuk ka marrë përgjigje. “Ia kam uruar ditëlindjen. Me mesazh, i urova suksese, kaq. Nuk ma ktheu, por çka lidhje ka, ne kemi ngrënë bukë bashkë”, tha ajo.
Ajo gjithashtu ka ndarë një moment kur janë takuar nga afër, ku ka ndjerë Gjestin në siklet.
“Kur e kam parë live, më shikonte sikur i frikësuar. Ishte gjithmonë me ndonjë dhe i thashë aman, se nuk do e mbys, ka mbaruar Bigu”, ka thënë tutje Xheneta.
