Një takim midis Volodymyr Zelenskyt dhe Vladimir Putinit mund të ndodhë para fundit të muajit, tha një zyrtar i lartë i BE-së për Sky News.
Gjeneva, Vjena, Roma, Budapesti dhe Doha janë ndër vendet që po merren në konsideratë për t’u mbajtur takimi.
Gjeneva e Zvicrës konsiderohet si opsioni më i mirë, me Romën dhe Vatikanin që nuk pëlqehen nga Rusia, ndërsa Budapesti i Hungarisë nuk favorizohet nga Ukraina.
Kuptohet se aleatët evropianë duan që garancitë e sigurisë të përcaktohen para takimit.
Sipas zyrtarëve të njohur me çështjen, një traktat i ngjashëm me NATO-n, që garanton se aleatët e Ukrainës do të vijnë në mbrojtje të saj në rast të ndonjë sulmi të ardhshëm rus, është duke u punuar dhe mund të përfundojë deri javën e ardhshme.
Ashtu si ShBA-ja, Sky News ka mësuar se Italia është kundër dërgimit të trupave në terren në Ukrainë.
Diplomatët e BE-së na thanë se janë të sigurt për negociatat në vazhdim dhe se ky është shansi më i mirë deri më tani për të ndaluar luftën.
Aleatët mund të kthehen në Uashington në fillim të shtatorit për të festuar çdo marrëveshje të arritur, shkruan Sky News.
