Bordi i ndërmarrjes “Trepça” i emëruar nga Qeveria Kurti II duket se po e vazhdon avazin e punësimeve familjare, ani pse erdhën në pushtet pikërisht për ta luftuar të keqen e madhe nepotizëm siç e quanin gjatë kohës sa ishin në opozitë.
Bordi Mbikqyrës i “Trepça” ka zgjedhur Sekretarin e ri Korporativ të ndërmarrjes, raporton Gazeta Online Veriu.info.
Në mbledhjen e mbajtur më 15.07.2022 Bordi i ndërmarrjes “Trepça” ka zgjedhur Fisnik Tmavën në pozitën e sekretarit si kandidati i suksesshëm.
Vendimi është nënshkruar nga kryesuesi i Bordit të ndërmarrjes, Bahri Hyseni.
Por duket se asaj kësaj here nuk kanë munguar lidhjet familjare në përzgjedhjen e Tmavës në këtë pozitë kaq të rëndësishme.
Veriu.info mëson se ka lidhje familjare mes kryesuesit të Bordit dhe sekretarit të ri korporativ.
Pra, kryesuesi Bahri Hyseni ka lidhje familjare me personin që u përzgjodh sekretar.
Më saktësisht, Fisnik Tmava është vëllai i gruas së djalit të Bahri Hysenit.
Kujtojmë që Bahri Hyseni ishte emëruar anëtar i Bordit në këtë ndërmarrje edhe nga Qeveria Kurti 1 dhe pastaj edhe nga Qeveria Kurti II kur më pas u zgjodh edhe kryesues.
Më poshtë gjeni vendimin: 
