Ish diplomati thekson se të gjitha vonesat kanë qenë mashtrim nga Vetëvendosje dhe pavarësisht bllokadës, nuk mundën t’i iknin ditës që të vërtetohej se nuk i kishin votat.
“Zvarritja dhe vonesat në KQZ, të gjitha janë të qëllimshme, të gjitha janë bërë nga Lëvizja Vetëvendosje me qëllim me ik asaj çka ndodhi të dielën, domethënë, kanë luajtur një lojë që duhet pas se partitë opozitar nuk duan bashkëpunim me ta, as nuk kanë lëshuar rrugë vetë, po njëkohësisht e kanë mbajtur krejt vendin të bllokuar. Praktikat parlamentare ku asnjë parti nuk don me bë koalicion me partinë që ka dalë e para në garë, nuk janë hera e parë që ka ndodhur. Para dy vitesh ka ndodhur në Holandë, ku e provon, kur je nuk e ke shumicën parlamentare, atëherë lëshon rrugë për ata që mujnë me bë shumicën parlamentare ose e çon vendin në zgjedhje. Tjetër opsion nuk ka, kurse këta që nga zvarritja e rezultateve të KQZ-së, që nga ankesat që i bënin një pas një për sendet kota dhe sa për me përfituar kohë. Pastaj ato deklarimet skandaloze se për Albulenën nuk i kemi votat, po për Kurtin i kemi votat, domethënë, mashtrim pas mashtrimi, bojkot mbas bojkoti, bllokadë mbas bllokade, po prapë se prapë nuk mundën me ik të dielës ku u konstatua se Kurti ka bile bile një votë më pak sesa vetë Albulena që i kishte 57 vota njëherë”, është shprehur ai.
Sipas Arifit, nuk ka zgjidhje pos zgjedhjeve që mund të mbahen në dhjetor, por që mund të bëhet dhe një qeveri kalimtare.
“Po nuk ka zgjedhje, nuk ka zgjidhje tjetër përveç zgjedhjeve. Por vetëm është një çështje, a do të mbahen dhjetor, apo do të mbahen, apo do të improvizojnë faktorët, akterët politik diçka në mënyrë që me bë buxhetin e mos me shty vendin në një kaos apo kolaps ekonomik dhe mos me i humb miliona nga BE-ja. E kanë në dorë, domethënë me bë një qeveri kalimtare, tre-katër muajshe, tek e fundit sa mora vesh KQZ-ja nuk ka as mjete për me organizim të zgjedhjeve. Nëse këta vendosin me krijuar një qeveri kalimtare, domethënë, qoftë quaje qysh të duash, natyrisht nuk mundet me qenë Kurti kryeministër, sepse është harxhuar ai opsion në përpjekjen e parë, atëherë nuk do të ketë zgjedhje. Përndryshe zgjedhjet i gjejnë në dy, në pjesën e parë të dhjetorit”, ka theksuar ai.
Sa i përket zgjedhjeve të reja, Avni Arifi parasheh se mund të kemi të njëjtën situatë si deri tani, nëse kemi të njëjtin rezultat.
“Nuk thashë që është opsioni i vetëm, a mund me bë një qeveri të përkohshme? Mund me bë, mund me tejkaluar vetveten. Secila parti politike për hir të interesit të vendit, po e bën një qeveri kalimtare, jo domosdoshmërish e përbërë nga liderët e partive politike, nga figurat kryesore të partisë, mirëpo po flasim për procese shumë të rëndësishme. Sa i përket zgjedhjeve, nëse është i njëjti rezultat, do të kemi të njëjtën situatë, i takon qytetarëve të Kosovës të vlerësojnë. Mirëpo, e qartë që kur nuk ke kurrfarë opsioni tjetër, atëherë vjen zgjedhjet, nuk ke tjetër opsion”, ka deklaruar Avni Arifi.
