“Fyt a fyt” kryeministri i Kosovës, Albin Kurti po shtyhet në Bruksel për çështjen e targave dhe mundësinë e gjetjes se një marrëveshjeje finale ndërmjet Kosovës dhe Serbisë.
Një “dyje” është çuar në këmbë duke nisur nga Shtetet e Bashkuara të Amerikës, Franca, Gjermania Italia dhe vende të tjera të Bashkimit Evropian për gjetjen e një zgjidhje për tabelat ilegale në Veriun e Kosovës.
Secili diplomat e ambasador i huaj së paku ka reaguar për zhvillimet e fundit politike në Kosovës dhe thirrjet e vazhdueshme, që palët të gjejnë një ujdi përmes dialogut duke mos rrezikuar që përmes kryeneçësive të mos vie deri te një situatë, ku mund të rrezikohet siguria në veriun e Kosovës.
Përveç afatit që kanë kërkuar prej 48 orësh Shtetet e Bashkuara të Amerikës për targat, ata aktualisht janë angazhuar që përmes Brukselit të gjendet një zgjidhje për tabelat ilegale.
Si pasojë e kësaj,. në Bruksel do të takohen Besnik Bislimi e Petar Petkovic, konfirmim ky që tashmë është bërë edhe nga vet shefi i Qeverisë së Kosovës, Albin Kurti.
Ku janë Memli Krasniqi Lumir Abdixhiku?
Sikurse asgjë nuk po ndodh në këtë vend, po sillen aktualisht dy liderët e partive më të mëdha opozitare në vend, Memli Krasniqi i Partisë Demokratike të Kosovës dhe ai i Lidhjes Demokratike të Kosovës Lumir Abdixhiku.
As edhe një fjalë të vetme nuk e kanë thënë për zhvillimet politike në vend, prej se ata ishin në udhëtim zyrtar në Shtetet e Bashkuara të Amerikës.
Reagimin e fundit në faqen e tij zyrtare kryetari i LDK-së e ka të para katër ditëve, përderisa ai i PDK para dy ditëve.
Pos që kanë derdhur “vrerë” nga SHBA ndaj kryeministrit të Kosovës Albin Kurti për prishje të raporteve me aleatë, Krasniqi e Abdixhiku nuk e kanë thënë as edhe një fjalë për situatën e krijuar ditëve të fundit.
Me dhjetarë herë të dy liderët e këtyre partive opozitare kanë thënë se kur në pyetje janë interesat e vendit të gjithë janë bashkë, por që duket se ditëve të fundit “me ose pa dashje” janë tërhequr nga këto qëndrime.
I vetmi që “natë e ditë” po kritikon qasjen e Albin Kurtit ndaj Shteteve të Bashkuara të Amerikës dhe Bashkimit Evropian, është lideri i Aleancës për Ardhmërinë e Kosovës, Ramush Haradinaj.
Thirrjet e tij ndaj Kurtit janë që të tërhiqet nga vendimi për targa duke u rreshtuar kështu përkrah kërkesës së Amerikës.
