Zyrtarisht kandidati republikan Donald Trump është president i Amerikës, shkruan Gazeta Express.
Ai ka arritur t’i fitojë zgjedhjet duke siguruar mbi 270 vota elektorale. Kjo fitore ka ardhur pasi Donald Trump ka fituar zgjedhjet presidenciale në shtetet kyçe të Xhorxhisë, Karolinës së Veriut, Wisconsin dhe Pennsylvania.
Trump ka shkuar në gjithsejtë 277 vota elektorale duke e mposhtur kështu kandidaten demokrate, Kamala Harris.
Ai ka dalë para përkahësve. bashkë me stafin dhe kandidatin republikan për zëvendës president.
Trump e ka përshkruar si “fitore politike” dhe ka falënderuar mbështetësit që e kanë zgjedhur si presidentin e 47.
“Ne do ta ndihmojmë vendin tonë të shërohet. Do të luftoj për familjen tuaja, për të ardhmen, çdo ditë do luftoj me çdo frymë timen”, ka thënë ai, duke shtuar se partia e tij ka bërë historinë.
Ai ka thënë më tej se kjo do të jetë “epoka e artë” për Amerikën.
“Kjo është një fitore madhështore për amerikanët, që do të na lejojë ta bëjmë Amerikën madhështore sërish”, ka theksuar ai.
Donald Trump ishte presidenti i 45të i Shteteve të Bashkuara të Amerikës. Para se ti hynte politikës, ai ishte një biznesmen dhe personalitet televizioni.
Në qershor 2015, vendosi të kandidojë si presidenti i ardhshëm i SHBA-ve. Më 8 nëntor 2016, ai u shpall si presidenti i 45të i SHBA-ve duke mposhtur kandidaten demokrate Hillary Clinton.
Ai mori postin më 20 janar 2017. Për nga mosha, Trump është presidenti më i vjetër në historinë e SHBA-së.Pas tij, president u zgjodh Joe Biden.
