Skuadra e Trepçës ’89 përmes një postimi në Facebook ka bërë të ditur se ka arritur marrëveshje me mesfushorin, Bleon Sekiraqa.
Trepça ’89 u rikthye pas vetëm një sezoni në Superligën e Kosovës dhe tani ka bërë edhe transferimin e saj të parë në merkato, i cili është mesfushori, Bleon Sekiraqa.
”Minatorët bëjnë afrimin e parë për këtë merkato. Bleon Sekiraqa është emri më i ri qe i bashkohet Klubit të Minatorëve. Mesfushori me tipare ofanzive i është bashkuar skuadrës dhe ka filluar pregaditjet për sezonin e ri 2022/23. Mirëseerdhe Bleon,” thuhet në postimin e tyre.
Sekiraqa së fundmi kishte qenë pjesë e Drenicës, ndërsa më herët ka luajtur edhe për Malishevën, Ballkanin dhe Prishtinën.
