Drejtoresha e Shëndetësisë në Han të Elezit, Kimete Kuka, ka bërë të ditur se situata në komunë është aktualisht e qetë, ndërsa ka sqaruar se jo të gjitha rastet e reja të paraqitura lidhen me dyshime për helmim.
Në një deklaratë në emisionin FIVE, Kuka tha se gjatë periudhës së fundit janë regjistruar rreth 20 raste të reja, por theksoi se një pjesë e tyre mund të jenë pasojë e viruseve sezonale të shkaktuara nga temperaturat e larta.
“Rastet e reja që i kemi pasur kanë qenë 20 raste, por jo të gjitha të dyshuara për helmim. Ka raste edhe me viruse sezonale prej temperaturave të larta, por diagnoza është e njëjtë, A09, ku përfshihen edhe dyshimet për raste të helmimit”, ka deklaruar Kuka
Ajo ritheksoi se gjendja në Han të Elezit mbetet e qetë, ndërsa autoritetet shëndetësore po vazhdojnë ta monitorojnë situatën.
