Deputeti i VV-së, Dimal Basha në një postim në Facebook u ka dhënë instruksione mërgimtarëve në lidhje me zgjedhjet e 9 shkurtit. Ai i ka “mësuar” se si të votojnë duke u treguar se nëse s’kanë dokumente të Kosovës të aplikojnë në vendet ku jetojnë.Por, dërgimi i dokumenteve në diasporë nuk po del të jetë punë e lehtë për Ministrinë e Punëve të Jashtme. Ajo me 24 tetor ka shkëputur kontratën me operatorin “Al – Dushi” ( UPS), për shkak të vonesave dhe mosdërgimit të rreth 400 dokumenteve në adresë të mërgimtarëve që kanë aplikuar.
Tani MPJ ka shpallë një tender emergjent në të cilin ka aplikuar vetëm një kompani e cila ka ofertuar një çmim rreth 900 përqind më të lartë krahasuar me shërbimet e DHL që kryheshin në të kaluarën.Sidoqoftë, Basha, në një postim ka dhënë instruksione se si duhet të votojnë mërgimtarët.
Ai ka thënë se bashkëatdhetarët, për të votuar, kërkohet të kenë një dokument valid të Republikës së Kosovës (letërnjoftim, patent shoferë apo pasaportë).Basha ka shtuar se mund të votojnë edhe në ambasadë/ konsulatë, me postë në adresën e caktuar nga KQZ në vendin ku jetojnë apo me postë në adresën e KQZ në Kosovë.
Postimi i Bashës:
Të dashur bashkëatdhetarë,
🚩Për të votuar, kërkohet të keni një dokument VALID të Republikës së Kosovës (Letërnjoftim, Patent Shofer apo Pasaportë).
🚩Nevojitet të regjistroheni që të keni mundësinë të votoni! Nuk merr më shumë se 3 minuta! Afati i fundit për regjistrim është data 26.12.2024. Nëse, pas regjistrimit, vendosni të mos votoni jashtë Kosovës, keni gjithashtu mundësinë të çregjistroheni.
🚩 Keni mundësi të votoni në:
➖ ambasadë/konsulatë,
➖ me postë në adresën e caktuar nga KQZ në vendin ku jetoni, apo
➖ me postë në adresën e KQZ-së në Kosovë!
‼️ 𝗡ë𝘀𝗲 𝗻𝘂𝗸 𝗿𝗲𝗴𝗷𝗶𝘀𝘁𝗿𝗼𝗵𝗲𝗻𝗶 𝗼𝘀𝗲 𝗻𝘂𝗸 𝗸𝗲𝗻𝗶 𝗱𝗼𝗸𝘂𝗺𝗲𝗻𝘁 𝘃𝗮𝗹𝗶𝗱 🇽🇰 𝗻𝘂𝗸 𝗺𝘂𝗻𝗱 𝘁ë 𝘃𝗼𝘁𝗼𝗻𝗶, prandaj regjistrohuni, ose aplikoni për dokumentet e Kosovës në vendet ku jetoni!
➡️ 𝙇𝙞𝙣𝙠𝙪 𝙥ë𝙧 𝙧𝙚𝙜𝙟𝙞𝙨𝙩𝙧𝙞𝙢: https://diaspora.kqz-ks.org/sq/AbroadVoter
𝐒𝐇𝐏Ë𝐑𝐍𝐃𝐀𝐍𝐄 𝐐Ë 𝐓Ë 𝐍𝐉𝐎𝐅𝐓𝐎𝐍𝐈 𝐄𝐃𝐇𝐄 𝐌𝐈𝐐𝐓Ë 𝐓𝐔𝐀𝐉!
