Shefi i Grupit Parlamentar të AAK-së Besnik Tahiri të shtunën ka adresuar një varg kritikash ndaj Qeverisë, siç ka thënë ai për eksperimentet që po bënë me vendine.
Sipas tij, në këtë fazë në secilin sektorë të jetës pasiguria është e madhe dhe se kryeministri po merret me dialogun më shumë se me çdo gjë tjetër.
Tahiri thotë se asnjë kryeministër nuk është marrë më shumë se Albin Kurti me dialogun me Serbinë, edhe pse këtë çështje pati thënë se nuk e ka prioritet.
Ai i ka quajtur të pakuptimta thirrjet e kryeministrit që diaspora të investojë në Kosovë, kur çdo rrugë regjionale është pothuajse e pakalueshme.
“Do të adresojmë disa çështje, Qeveria duke eksperimentuar me dialogun, duke mos pasur qëndrime të shkak ajo është mbyllur dhe e vetknaqur me takimet që i ka dhe ka harrura interesin qytetar. Si AAK e themi se pasiguria në secilin sektorë dhe pore te jetës nuk mbahet mend që ka qenë më e madhe. Nuk mbahet mend të ketë më shumë pasiguri dhe nuk ka aspak shpresë”.
“Gjithçka është rritur në 40%. Kurti thotë po punojmë me pru mërgatën në Kosovë, qysh pret dikush me investuar që Qeveria nuk ka bë asnjë veprim. Kjo politikë e ka qasjen për me i hedh sy hi popullit. Nuk jon kon në gjendje as një kaci me asfalt me hedh. Me Ligjin për zyrtarët publik, që e shohin si diçka afat gjate, por tash është prek kjo çështje. Mosinvestimet, nuk janë vetëm rrugët, por s’ka investim hiq”.“Asnjë kryeministër nuk u marrë me dialog më shumë se Kurti. Ligji i pagave është ligj për me ju rrit pagave kryeministrit, ministrave të emëruarve politik. Kjo situatë, do të kemi probleme sociale në fund të vitit. Ku ka në botë paga minimale 170 euro”, tha Tahiri.
Tahiri ka folur edhe mbi reagimin e Listës Serbe pas betimit të kryetarit të Mitrovicës së veriut, Erden Artiq.
Tahiri ka thënë se Kosova nuk mund të kërcënohet dhe se nuk duhet të ndihet e kërcënuar.
“Kosova nuk mund të kërcënohet dhe nuk duhet të ndihet e kërcënuar”, ka thënë Tahiri.
Ai është shprehur se Kosova nuk ka nevojë të frikësohet nga serbët e Kosovës, sepse ata janë komunitet.
Tahiri shtoi se Serbia nuk do ta destabilizojë vetëm Kosovën, por dhe rajonin.
“Kosova nuk ka nevojë me u frikësu prej serbëve të Kosovës, ata janë komunitet… Serbia do të destabilizojë jo vetëm Kosovën por dhe rajonin”, ka thënë ndër të tjera Tahiri.
