Kundërshtimet për vendimin e Putinit nuk kanë të ndalur e arsyeja e ashpërsimit në reagime edhe me protesta erdhi sot pas sulmeve të Rusisë drejt Ukrainës.
Qyteti i Moskës ishte i mbushur me protestues kundër kësaj lufte që ka marrë hapat e parë e që pritet të ‘egërsohet’.
Dimitriy Tsorionov, është aktivisti politik i cili bashkë me shokët e tij dorëzoi dokumente në zyrën e kryetarit të Moskës për mbajtjen e një marshi kundër luftës. Ai tregoi për Insajderin se shokët e tij ia arrestuan policia ruse
“Unë jam një nga njerëzit që dorëzoi dokumente në zyrën e kryetarit të Moskës për mbajtjen e një marshi kundër luftës. Unë jam mirë, por disa nga miqtë e mi tani janë në komisariat, ata i arrestuan”, tha aktivisti Tsorionov për Insajderin.
Ai tha se protestuesit duke përfshirë edhe ata paqësorët po e kalojnë natën në stacionet e policiës.
“Rreth 1000 persona u arrestuan në Moskë. Shumë tani kalojnë natën në stacionet e policisë në pritje të gjykimit. Policia ndaloi brutalisht protestuesit paqësorë”, deklaroi ai për Insajderin.
Gjithashtu, pak orë më parë Tsorionov publikoi një postim ku thuhej se policia ruse po i trokisnin në derën e apartamentit për ta arrestuar e për ta bërë bashkë me shokët e tij.
Ndërkaq Insajderi ka arritur të siguroi edhe pamje të kryeqytetit të Rusisë në këto momente.
