Departamenti për Çështje Administrative, ka anuluar vendimin e Ministrisë së Drejtësisë (MD), me të cilin ishte anuluar konkursi për noterë.
Ky anulim ka ardhur pas pranimit të padisë nga Gjykata ku u ankuan 44 kandidatë për noterë.
Veriu.info ka siguruar dokumentimin ku specifikohet anulimi i vendimit të ministres Haxhiu përmes të cilit kishte anuluar procesin e rekrutimit të noterëve të rinj.
Në vendimin e gjyaktës thuhet se kjo gjykatë ka vërtetuar provimin e noterisë me arsyetimin se nuk ka gjetur prova se Komisioni për provimin e noterisë ka cënuar parimet e ligjshmërisë.
“Kjo për faktin se me asnjë provë nuk është vërtetuar se ky komision ka tejkaluar kufijtë e përcaktuar me ligjin, nuk është vërtetuar se me zgjedhjen e këtij komisioni nuk është arritur qëllimi sipas ligjit dhe në përputhje me parimin e proporcionalitetit dhe se zgjedhja e tij nuk është vërtetuar se ka qenë në kundërshtim më normat e gjithë pranuara të shkencës apo teknikës dhe nuk ka shkelur parimet themelore të drejtësisë apo arsyes njerëzore”, thuhet në aktgjykimin e Gjykatës Themelore në Prishtinë të siguruar nga Veriu.info.
Ish ministrja e Drejtësisë Albulena Haxhiu e kishte anuluar provimin e noterisë në shkurt të vitit 2020 me arsyetimin se kishte patur mostranparencë dhe lidhje të ngushta familjare e militantë partiakë të përzgjedhur.
Ndaj këtij vendimi ishin ankuar kandidatët për noterë të cilët kishin ushtruar padi në Departamentin për çështje administrative në Gjykatën Themelore të Prishtinës.
Veriu.info sjellë ekskluzivisht vendimin e Gjykatës që anulon vendimin e ministres Haxhiu:
