Kryetari i Komunmës së Prishtinës Përparim Rama ka njoftuar për fillimin e punimeve për rregullimin e infrastrukturës në kryeqytet.
Rama ka bërë të ditur se punimet kanë filluar në rregullimin e infrastrukturës për funksionalizimin e Parkingut të madh në hyrje të Prishtinës.
Ai po ashtu ka bërë të ditur dhe për zhvendosjen e tregut të veturave nga Zona Industriale në Fushë Kosovë në Kodrën e Trimave. Po ashtu Rama ka thënë se edhe tregu i drunjëve dhe lëndeve tjera djegëse do të zhvendoset, pasi që nuk do të lejojë që këto produkte të shiten në zonën urbane, përkatësisht në zonat e banimit në kryeqytet.
Rama po ashtu ka bërë të ditur se edhe Autoshkollat do ta kenë një lokacion të veçantë dhe se ato do të zhvendosen nga “Stacioni i Autobusëve” në lokacionin i cili do të rregullohet në Kodrën e Trimave.
Postimi i plotë i Ramës:
SUPER LAJM
Filluan punimet në rregullimin e infrastrukturës për funkisonalizimin e:
– Parkingut të madh në hyrje të Prishtinës.
– Tregut të drunjëve dhe lëndëve tjera djegëse, sepse nuk do të lejohen më tutje që këto produkte të shiten në zonën urbane, përkatësisht në zona të banimit në kryeqytet.
– Tregu i veturave nuk do të jetë më në Zonën Industriale në Fushë Kosovë por do ta zhvendosim pikërisht në këtë lokacion ku kemi filluar punimet, në Kodrën e Trimave.
– Autoshkollat do ta kenë lokacionin e veçantë. Ato do të zhvendosen nga “Stacioni i Autobusëve” në lokacionin i cili do të rregullohet në Kodrën e Trimave.
Komunikacioni do të ketë shumë lehtësime kur ta përmbyllim këtë projekt.
Së bashku me Drejtorin e Investimeve Kapitale, Krenar Xh Xhaferi dhe Drejtorin e Inspektoriatit të Kryeqytetit, Florian Dushi vizituam punimet të cilat tashmë vetëm se kanë filluar në realizimin e këtij projekti të madh.
#prishtinapraktike
