Zëdhënësi i VV-së, Arlind Manxhuka i është përgjigjur ftesës së Prokurorisë Speciale për intervistim.
Manxhuka ka thënë se ftesa e kësaj prokurorie ka të bëjë në lidhje me reagimin për rastin e lirimit të serbit, Dejan Pantiq.
Më poshtë mund të shihni pamjet e Klan Kosovës nga momenti i arritjes së Manxhukës në Prokurorinë Speciale për intervistim.
Ftesën nga Specialja e bëri të ditur dje Manxhuka përmes një postimi të bërë në Facebook.
Postimi i tij:
Rreth 250 denoncime të shkeljeve e proceseve korruptive janë bërë nga ana e ministrive përgjatë kësaj kohe të qeverisjes. Veprimet e prokurorisë jo që ishin të mangëta, por shpeshherë rrëzuan raste me situatë të qartë.
Por, Prokuroria Speciale nuk është se ishte pasive, përkundrazi ajo është më aktive se kurrë në përndjekje të qytetarëve me prefixin VV. Pra, ky është keywordi që i bënë përshtypje kësaj Prokurorie.
Në këtë linjë, për nesër jam ftuar për intervistim nga Prokuroria Speciale, në lidhje me reagimin tim në rastin e lirimit të kriminelit/terrorist Dejan Pantiq.
Detajet besoj do t’mi jep nesër prokurorja.
Unë i plotësoj të gjitha kushtet për të marrë ftesë nga prokuroria si për nga prefixi ashtu edhe nga keywordi, por kjo përpjekje e nomenklaturës së moçme si në politikë ashtu edhe në Prokurori për të frikësuar qytetarin e Kosovës, aktivistin e Lëvizjes VETËVENDOSJE! është dëshmuar të jetë e kotë.
Nuk do të ja dalin.
