Drejtoria e Arsimit në komunën e Mitrovicës, sot ka mbajtur mbledhje me drejtorët e shkollave të kësaj komune ku temë diskutimi ishte fillimi i vitit të ri shkollor.
Nga shumë drejtorë që morën pjesë, siç shihet nga fotografitë e publikuara nga vet komuna e Mitrovicës, në këtë takim nuk ka marrë pjesë ushtruesja e detyrës së drejtoreshës së shkollës “Bislmi Imeri” në Kçiqi, Ardita Brahimi Idrizi, raporton Gazeta Online Veriu.info.
Drejtoresha e “Bislm Imeri” Ardita Brahimi Idrizi ka hedhur kritika të rënda para pak ditësh ndaj drejtoreshës së Arsimit në Mitrovicë, Drita Kadriu, për presion psiqik, duke pretenduar se si pasojë e këtij presioni edhe ka abortuar.
Kujtojmë se mediat kanë raportuar se më 30 qershor të këtij viti, drejtoresha e shkollës fillore të mesme të ulët “Bislim Imeri”, Ardita Brahimi-Idrizi, dyshohet se me vetëdëshirë ua kishte dhënë në shfrytëzim veturën e saj personale dy nxënësve të mitur. Nxënësit e mitur me veturën e drejtoreshës kishin shkuar për të blerë disa gjësende. Gjatë kthimit për në shkollë, nxënësit kishin shkaktuar aksident në magjistralen Vushtrri-Mitrovicë. Dyshohet se me të marrë informatën për aksident, drejtoresha e shkollës kishte raportuar rastin si vjedhje e veturës, por që pas ballafaqimit me deklaratat e nxënësve, drejtoresha e kishte pranuar se veturën ua kishte dhënë me vetëdëshirë nxënësve.
Postimi i plotë i komunës së Mitrovicës ku nuk shihet drejtoresha Ardita Brahimi Idrizi:
Shkrimi i plotë i Ardita Brahimi Idrizi ku akuzon drejtoreshën Drita Kadriu:
Sqarim për publikun, shikuesit e komentuesit ditëve të fundit ndaj një femre të pafajshme e shumë e fuqishme.
Ka disa vite që nëpërmjet storieve shenoj disa thënje, të ndryshme që burojnë nga padrejtësitë e bëra në jetë:
Nga kush?
Nga një drejtore e Drejtorisë Komunale të Arsimit Drita Kadriu.
Ju njoftoj me përgjegjësinë time të plotë se nuk jam në kundërshtim me ligjin e këtë e verteton dokumenti i gjykatës, policisë.
Padrejtësitë në jetën time personale e profesionale e në karrieren, fushën e edukimit udhëheqjes të bëra nga drejtore Drita Kadriu me vetmin qëllim të më eliminoj nga gara për drejtore.
1. Jam femra e parë në fshat dhe në kolektiv më e përgatitura profesionalisht;
2.Mediat i ka angazhuar vazhdimisht në drejtim tim që njëllosin dinjitetin dhe integritetin tim personal, por kam heshtë;
3.Më ka hap rast polici në bashkpunim me kundërkandidaten Sala Hasani, paramendo! Çfarë rasti?
“Ngacmim seksual” unë nuk jam mashkull.
Por Prokuroria në Mitrovicë më shpalli të pafajshme.
Prap vazhdoi me avazin e vjetër.
4.Peticion me disa zhvatës në shkollë.
Ku kam kërkuar ta kem atë peticion në duart e mia por drejtore Drita nuk ma ka siguruar që bëjë krahasime në nënshkrime, sepse ka falcifikime.
5.Përçarje në kolektiv e në fshat.
E këtë e kanë treguar më së miri mashkëvendasit e vendlindjes sime me përkrahjen e tyre të vazhdueshme e deri në protestë.
6. Më qiti para komisionit diciplinor, para gjashtë zyrtarve por komisioni vendosi në favorin tim, sepse jam e pastër si loti.
7.Pas presionit psiqik përfundova nëpër Klinikat e Prishtinës, e këtë e vertetojnë dokumentet mjeksore.
8.Nga presioni psiqik e qëllimkeq edhe abortova 
. Kam foto e dëshmi.
9.E së fundmi ke probleme familjare “Familja është e shenjtë”
Nuk e di për cilën familje e ka fjalën?!
Familjen e prindërve, vëllëzërve të mi;
Familjen e vjehrrive kunetve të mi;
Familjen të cilën e kam krijuar me bashkshortin tim.
10. Asnjëherë nuk u konsultua me mua por vazhdimisht me Sala Hasani…!!
Këto janë padrejtësitë e bëra nga një drejtore femër ndaj Ardita Brahimi Idrizi e cila i kursen shtetit gjashtë paga.
Sepse kryej këto puna:
1. Ud. drejtore;
2. Mësuese klase;
3. Kordinatore e Cilësisë;
4. Sekretare shkolle;
5. Bibliotekiste;
E qe besa edhe pastruse sepse me një puntor teknik na ka lënë drejtore Drita.
E së fundmi më thotë nuk po shkojnë punët mirë.
E kush i mbajti deri sot këto puna me një pagë minus?!
Turpi e mbuloftë!!!
E udhëzoj drejtoren që meret me skandalet e veta.
Shihemi në gjykatë!
