Javën e ardhshme Shqipëria do të drejtojë Këshillin e Sigurimit, në momentin kur e gjithë bota mblidhet në Asamblenë e Kombeve të Bashkuara në New York.
Kryeministri Edi Rama me një mesazh të gjatë në Facebbok, shprehet se Shqipëria është shembull i veçantë i mos abuzimit me komunitetet etnike të saj të pranishme në vende të tjera.
Rama shton se ne kurrë nuk nxisim trazime etnike as në shtetet fqinje, as mes shteteve fqinje, duke prekur ndjenja që mund të ushqejnë kundërshti e të ndezin konflikte në këtë lagje të Europës, ku jemi të gjithë të dënuar të jetojmë së bashku në jetë të jetëve dhe të detyruar të bëjmë çmosin që t’u lemë fëmijëve tanë një hapësirë mirëkuptimi, tolerance, paqeje.
Kreu i qeverisë u ndal dhe te takimi në Bruksel për Kosovën dhe Serbinë, ku lutet që mos të jetë një tjetër xhiro bosh, për një tjetër përsëritje të këngës “fajin e ka tjetri”.
Rama shkruan më tej për qeverinë e tij, ku shprehet se shumica parlamentare dhe kabineti kanë ideuar e mbështetur vendosmërisht një reformë aq të thellë dhe aq thellësisht europizuese të sistemit drejtësisë.
