Analisti, Imer Mushkolaj, ka komentuar takimin e planifikuar për më 14 shtator në Bruksel mes kryeministrit të Kosovës, Albin Kurti, dhe presidentit të Serbisë, Aleksandër Vuçiq.
Sipas Mushkolajt, në këtë takim të ndërmjetësuar nga Bashkimi Evropian, nuk pritet të ndodhin lëvizje të mëdha nga palët, por BE-ja do të provojë të mbajë gjallë disa elemente të Marrëveshjes Bazë për normalizimin e marrëdhënieve.
Duke komentuar takimin e 14 shtatorit (nesër) në mes të kryeministrit të Kosovës, Albin Kurti dhe presidentit të Serbisë, Aleksandër Vuçiq, në Bruksel analisti, Imer Mushkolaj ka thënë se në këtë takim pala ndërmjetësuese, Bashkimi Evropian, do të mund të shpëtojë diçka nga Marrëveshja Bazë.
Mushkolaj beson se palët nuk do kenë lëvizje “serioze” dhe po provojnë që çështje të zvarritet, deri në një ndryshim të të situatës gjeopolitike.
“Nesër BE-ja do t provojë të shpëtojë diçka nga ajo marrëveshja Baze, për të cilën janë pajtu palët. Ta dimë se janë paralajmëruar sanksione të reja, janë paralajmëruar edhe përftime, jo vetëm sanksione. E kemi dëgjuar emisarin amerikan, duke tregu se çfarë mund të përfitojnë dhe si mund të ndëshkohen palët. Nuk pres që do të ketë lëvizje serioze prej qëndrimeve i kanë të dy palët. Po provojnë që çështja të zvarritet, e cila ndryshe t shihet prej BE-së ndryshe shihe tprej Kosovës. Të dyja shpresojnë se do të ndryshojë në aspektin gjeopolitik”, ka thënë Mushkolaj.
Sipas agjendës së paralajmëruar nga BE-ja, Kurti dhe Vuçiq do të diskutojnë për zbatimin e Marrëveshjes drejt normalizimit të raporteve, por edhe për çështje aktuale. Këtë marrëveshje Kosova dhe Serbia e arritën në shkurt në Bruksel, ndërkaq në mars në Ohër u pajtuan për aneksin e zbatimit të saj.
