Sot, mbahet Kuvendi i Kuvendi i X-të zgjedhor në degën e LDK-së në Vushtrri, ku akoma është e paqartë se kush do të jetë kryetari i ri i kësaj partie në qytetin më të vjetër të Kosovës.
Deputetja e LDK-së në Kuvendin e Kosovës, Rrezarta Krasniqi, e cila vjen nga qyteti i Vushtrrisë, ka uruar që sot të ketë një proces zgjedhor sa më të mirë, të rregullt dhe demokratik në degën e LDK-së në Vushtrri, transmeton VeriuInfo.
Ajo nga Madridi, ku gjendet me angazhime zyrtare në kuadër të Komisionit Parlamentar, ka porositur delegatët dhe zyrtarët tjerë të LDK-së, që në Kuvendin e sotëm të ruhet dhe zhvillohet dega e kësaj partie në Vushtrri.
Postimi i Rrezata Krasniqi:
Sot, mbahet Kuvendi i X-të zgjedhor në degën e LDK-së në Vushtrri.
Në pamundësi për të qenë prezent për shkak të angazhimeve zyrtare në kuadër të Komisionit Parlamentar në Madrid, uroj të kemi një proces zgjedhor sa më të mirë, të rregullt dhe demokratik.
Ta ruajmë e ta zhvillojmë degën tonë.
LDK është shtëpi e madhe.
Na priftë e mbara!
