Mbi 36 mijë kilogramë mish me afat të skaduar janë konfiskuar të martën në një biznes në Zahaq të Pejës.
Jepi zë ka raportuar se mishi i prishur ishte gjetur në ETC.
Pronari i Elkosit, Ramiz Kelmendi tha se mishi është kapur në frigoriferët e kompanisë.
Sipas tij, punëtorët kanë hezituar ta deklarojnë mishin me afat të skaduar, për të cilin thotë se nuk është i prishur.
“Nuk jonë në ETC, mishi ka qenë i deklaruar për asgjësim dhe në bazë të asaj që kam parë edhe unë i përgëzoj AVUK dhe Policinë që e kanë mundësu me e hudh diçka që punëtorët kanë hezitu si duket me deklaru, për shkak se e kanë bo gabimin e mosrespektimit të afateve si malli që ka hy i pari dhe ka dalë. Nuk ka qenë produkt për ETC. Si ka qenë puna atje nuk e di, për arsye se nuk nuk hi nëpër frigorifera, s’jom kanë që 1 vjet. Është përgjegjësi për atë punë. Pa marrë parasysh dëmi i takon firmës. Sikur ni jogurt i del afati, e kqyr që i ka dalë afati po nuk u prish. Unë ni çokollatë që i ka dalë afati e ha lirisht edhe dy muaj ditë, nëse është e rujtne mirë.
Çdo gjë me afat të skaduar, nuk është produkt i prishur. Çdo produkt që ka qenë me afat të skaduar ka qenë i deklaruar se është me afat të skaduar. Policia dhe Inspekcioni e kanë gjetur. Mishi është gjetur në frigoriferin qendror të Elkosit. Policia e ka kry punën e vet. Ka pasë ndalesa”, tha Kelmendi për Sinjalin.
