Të dielen një grup terroristësh serb me në krye Milan Radoiçiqin kryen një sulm të armatosur në fshatin Basnjkë të Zveçanit, ku për pasojë mbeti i vdekur polici Afrim Bunjaku. Pas kundërpërgjigjes nga ana e Policisë, mbeten të vdekur edhe tre pjesëtarë të grupit terrorist.
Kjo akt u denua nga faktori vendor e ndërkombëtar, por që në Serbi po shikohet me sy tjetër, shkruan Veriu.info
Kjo pasi që klubi i futbollit Crvena Zvezda nga Beogradi do të dhuroj ndihmë financiare për familjet e tre terrositëve që u vranë të dielën në Banjskë të Zveçanit.
“FK Crvena Zvezda, si një nga simbolet më të mëdha të Serbisë, ndjen përgjegjësi morale të jetë me popullin tonë në Kosovë në çdo kohë”, kanë thënë ata, raporton Veriu.info.
Ata njoftuan se ky klub do t’iu dhurojnë nga 10 mijë euro secilës familje të terroristëve të vrarë.
“Tragjedia që goditi familjet e ndershme dhe të ndershme në krahinën jugore serbe na preku thellë të gjithëve. Crvena Zvezda është një klub i njerëzve të saj dhe do të jetë gjithmonë pranë tij në të gjitha situatat e vështira”, kanë thënë nga FC Crvena Zvezda./Veriu.info
