Me një ceremoni të mbushur me emocion, shkolla fillore “Migjeni” në qytetin e Mitrovicës shënoi 40-vjetorin e saj.
Në këtë ceremoni morën pjesë nënkryetari i komunës, Arian Tahiri, kryesuesja e Kuvendit Komunal, Vesa Broja, drejtoresha e DKA-së, Drita Kadriu, drejtor të drejtorive komunale, asamblistë, drejtori i shkollës fillore “Migjeni”, Luan Mehmeti, drejtorë të shkollave, mësimdhënës, prindër dhe nxënës.
Shkolla fillore “Migjeni” ka një histori të pasur dhe një rol të rëndësishëm në arsimimin e brezave të rinj në Mitrovicë. Emri i saj është një burim krenarie për komunitetin lokal, dhe shkolla është një pjesë e rëndësishme e identitetit të qytetit. Në këtë ceremoni, shkolla u nderua dhe u falënderua për kontributin e saj në edukimin e brezave të rinj.
Në fjalën e tij, nënkryetari i komunës, Arian Tahiri, ka uruar shkollën në këtë ditë të veçantë, me ç ‘rast shprehu gatishmërinë e komunës për të mbështetur shkollën me projekte të reja dhe për të ndihmuar në zhvillimin e saj të ardhshëm.
Më tutje ai ka shtuar se qeverisja lokale që nga fillimi ka pasur prioritet fushën e arsimit dhe në vazhdimësi janë realizuar investime në përmirësimin e infrastrukturës shkollore dhe ngritjen e cilësisë në arsim.
Drejtoresha e DKA-së, Drita Kadriu, i përshëndeti të pranishmit dhe vlerësoi kontributin e shkollës “Migjeni” në arsimimin dhe formimin e nxënësve. Ajo theksoi rëndësinë e arsimit për të ardhmen e qytetit dhe vendit.
