Disa ditë më parë organizata terroriste Hamas sulmoi shtetin e Izraelit duke vrarë shumë njerëz e duke plagosur shumë të tjerë. Këtij veprimi të terroristëve, Izraeli është duke iu përgjigjur tash e sa ditë. Për shkak të veprimeve të tmerrshme të terroristëve të Hamasit, shtetet perëndimore kanë dalë krah Izraelit, të cilit i kanë shprehur përkrahje për vetëmbrojtje.
Pavarësisht që shtetet e fuqishme janë radhitur krah Izraelit, përshirë këtu edhe Kosovën, qeverinë e saj, ka disa njerëz që çuditërisht në një mënyrë apo tjetrën përkrahin veprimet e Hamasit.
Një rast pak a shumë i tillë, skandaloz e i tmerrshëm ka ndodhur edhe në Kosovë, ku një qytetar, duke tentuar ta kundërshtojë Izraelin, ka thënë se Serbia nuk ka vra civil në Kosovë.
Madje ky qytetar, gjatë prononcimit të tij kur flet për vrasjet e serbëve, çuditërisht, e fatkeqësisht, nuk i kujtohen mirë masakrat e serbëve në Kosovë edhe pse ato janë shumë. Ai e përmend Prekazin, duke thënë se “ka këtu, e ku kanë ndodh ato [masakrat]”, dhe vazhdon duke thënë “kanë qenë 30, 40, 50 [të vrarë]”.
“Tash mos te keqkuptohemi. Serbia ka ba këtu çdo sen të keqe, mirëpo një sen nuk e ka bo, nuk e ka bombardu popullin civil sikur ata. Ata i kanë marr i kanë vra, ka këtu në Prekaz e ku kanë ndodh ato masakrat, kanë qenë 30, 40, 50, ata po e gjuajnë një objekt. Kështu që atje është hala ma keq se këtu”./GazetaMetro
