Gjatë ditës së sotme është sulmuar Xhevdet Aliu, shtëpiak në shkollën “Enver Hadri” në fshatin Smrekonicë të Komunës së Vushtrrisë.
Sot, ka ndodhur një rast i paprecedent në Vushtrri, ku për pasojë është sulmuar Xhevdet Aliu, shtëpiak në shkollën “Enver Hadri” në fshatin Smrekonicë.
Sulmi ndaj Aliut pretendohet se ka ndodhet derisa ai ishte duke kryer pastrimin e disa mbeturinave.
Dyshohet se veterani Aliu është sulmuar nga punëkryesi i renovimit në atë shkollë. Si pasojë e sulmit, duke marrë kështu edhe lëndime trupore.
Kastriot Feka, avokat i viktimës, ka folur për Veriu.info, dhënë detaje mbi sulmin ndaj Aliut në vendin e punës.
Foto: Avokati Kastriot Feka
“Punon si shtëpiak në shkollën e Smrekonicës. Sot ka dalur për të pastruar oborrin e shkollës dhe pronari i kompanisë ka ardhur e ka sulmuar në vendin e punës si dhe e ka kërcënuar e paraprakisht edhe djali i pronarit e ka kërcënuar, gjithnjë sipas Xhevdetit.
Xhevdeti është duke jetuar në kushte te vështira pasi që ka pasoja nga lufta e poashtu të ardhurat e vetme që jeton me shoqen e me 5 fëmijet e tii i ka nga rroga si shtëpiak. Ai gjithashtu bashkëshortën e ka të sëmurë, nga tomori është operuar”, theksoi Feka.
Feka gjithashtu ka treguar se Aliu ka qenë ushtar i tri luftërave, në Kosovë, Maqedoni dhe Preshevë.
Rastin për Veriu.info e ka konfirmuar edhe zëdhënësi i Policisë për Rajonin e Mitrovicës, Avni Zahiti.
“Një person është intervistuar në cilësi të dyshimtit, i cili më pas është liruar në procedurë të rregult. Rasti është iniciuar “Lëndim i lehtë trupor”, ka thënë Avni Zahiti për Veriu.info.
