Kryeministri i Kosovës, Albin Kurti është pyetur rreth debatit për pagën minimale që po ndodh tash e disa javë, ku ka shumë kërkesa dhe kritika drejtuar Qeverisë të cilën e udhëheq ai.
I pyetur se sa do të bëhet paga minimale, Kurti ka thënë se duhet që ngritja e pagës minimale të jetë e arsyeshme dhe jo absurde.
“Nuk mund të kërcejmë prej 170 në 400, apo 500, s’është e mundshme. Pritjet absurde s’mund të jenë të arsyeshme”, tha ai në RTK.
Ai ka shtuar se kur të rritet ekonomia atëherë do ta rishikojnë këtë çështje sërish.
“Ne e kemi thënë në fushatë që do të jetë 250. Kur të rritet ekonomia, a mendoni që nuk duhet ta bëjmë një rishikim, sigurisht që po”.
