Pjesëtarët e njësive speciale të Policisë së Kosovës kanë protestuar dje para qeverisë së Kosovës duke shprehur pakënaqësinë e tyre me pagat që marrin, e një njësi tjetër do të protestojë sot brenda zyrave të tij.
Një epror i njësisë speciale është deklaruar në kushte anonimiteti për Gazetën Online Veriu.info.
Ai ka deklaruar se rrezikshmëria u premtua nga Janari kurse u aprovua vetëm tani, dhe rrezikshmëria e njësive speciale u ul nga 280 euro në 150.
Ai ka thënë se me ligjin e ri të pagave pati ulje të pagave për eprorët e Policisë kurse pati rritje për presidenten, kryeministrin dhe të tjerët.
Më poshtë u sjellim të plotë deklarimin e eprorit të Policisë së Kosovës:
1. Rrezishkshmëria u premtua nga janari por u aprovua tash pas presioneve që bëri Policia.
2 Njsi dhe Njnsh, kanë pas rrezikshmërinë 280 euro tash kanë 150. Njso ka pas rrezikshmërinë 220 euro tash merre 150. Ekipet reaguese nga 140 tash marrin 60, hetuesit kanë pas 180 tash kanë 75, etj.
3. Me ligj të pagave ka pas zbritje të rrogave për epror të Policisë për shembull Drejtori i Përgjithshëm merr qindra euro më pak rrogë mujore ndërsa ka pas rritje për Presidenten, Kryeministrin dhe të tjerë.
4.Vetë Ministri Xhelal Sveqla ka kërkuar që Njsi, Njso dhe njësi tjera të punojnë me ditë dhe netë pa pushim për shkak të situatës në Veri, tash thotë se i marrin rrogë duke mos u bë i sinqertë të tregon se rroga është 550 euro neto e tjerat janë orë shtesë dhe jo pagë.
5. Stafi civil mbështetës është në grevë me muaj të tërë, vetë Ministri i ka pritur në takim dhe iu ka premtuar rritje koficientit por i ka gënjyer e tash gjitha automjetet janë kolaps se s’ka servisim, shumica e automjeteve janë servis apo ju ka tejkaluar afati me mijëra kilometra për servisim të rregullt.
6. Asnjë palë uniformë të rregullt dhe çizme nuk ka në llogo bazë dhe policët e rregullt janë duke prerë pantolla te rrobabaqepësit me ju përngja uniformës ndërsa çizmey duke i blerë në Melodia PX me para veta.
7. Me ardhjen e Ministrit në Belveder iu është instalu komplet një aneks me dhomë, zyre, banjo dhe gjera luksoze ndërsa policët kanë fjetë disa në një dhomë në kontinjera për shkak të numrit të madh.
8. Vetë Njsi u ngritë nga Ministri ka porositë kingja, raki e qiftelia ku musafir ka qenë Ministri dhe shokë të tij që s’kanë lidhje me Polici dhe Ministri ndërsa Njsi për të ka qenë gjithçka, tash ua përmend që i ka paguat orët shtesë dhe paisjet.
9. Krejt Operacionet i udhëheq Ministri duke urdhërue edhe kush në cilën veturë të shkoj ndërsa krejt tenderat i udhëheq këshilltari i tij Milot Gashi (shoku i Besnik Mujecit).
10. Asnjë pozitë në polici nuk caktohet pa dhënë vijën e gjelbërt Ministri, duke i mbajtë disa me ushtrues detyre e disa pa vendime për t’i bërë servila të tij, e tash po provon edhe gradimet t’i bëj me nominime pa provime fare.
Dhe në fund 99% të policve janë pakënaqur me këtë gjendje ku është Policia tani është e kotë presioni i disa eprorëve servil sepse do të ndodhin dy gjëra, do të bie niveli i moralit të policit në zero dhe prej një janari me qindra do të lëshojnë punën dhe shkojnë në perëndim.
Mos të keqkuptohem se nuk e ka sjell partia në pushtet ketë gjendje por vetëm në njeri e ai është Ministri Xhelal Sveçla, ai ka menduar vetëm për vete dhe jo për parti, Ministri apo Polici , por për të herave tjera do flasim se kemi çka.
