Shtetet e Bashkuara besojnë se armëpushimi në ofensivën ushtarake të Izraelit në Gaza do ta linte grupin militant palestinez Hamas dhe do ta lejonte atë të rigrupohet dhe të kryejë sulme të ngjashme me atë të 7 tetorit, tha sekretari amerikan i shtetit Antony Blinken.
Ai sulm vrau më shumë se 1,400 njerëz, sulmi më i keq në historinë e Izraelit.
Blinken i bëri komentet e tij në një konferencë shtypi në Aman, së bashku me homologët e tij jordanezë dhe egjiptianë, të cilët kanë kërkuar vazhdimisht një ndërprerje të menjëhershme të luftimeve.
Sekretari amerikan thotë se SHBA dhe shtetet arabe pajtohen se status quo-ja e kontrolluar nga Hamasi në Gaza nuk mund të vazhdojë
Blinken, gjithashtu tha të shtunën, si Washingtoni ashtu edhe shtetet arabe besojnë se status quo-ja e një Gaze të kontrolluar nga Hamasi nuk mund të vazhdojë dhe se ai ka diskutuar me homologët e tij arabë se si të përcaktojë një rrugë më të mirë përpara drejt një zgjidhjeje me dy shtete.
Në konferencë diplomati i lartë amerikan tha gjithashtu se Uashingtoni ishte i shqetësuar për dhunën nga kolonët ekstremistë në Bregun Perëndimor, shkruan The Guardian, transmeton Gazeta Express.
