Analisti poltik, Gazmir Raci thotë se shqetësimin kryesor në draft stautin e publikuar mbrëmë e ka tek Rezoluta 1244.
Raci në një prononcim për GazetaBlic tha se, asnjë Qeveria nuk do të pranonte që ta kthente këtë Rezolutë.
“Tashmë janë bërë publike disa drafte, por ende nuk e dimë saktë çka përmban propozimi i pesë ndërkombëtarëve. Tek drafti i publikuar mbrëmë, për mua shqetësimi kryesor mbetet tek përmendja e Rezolutës 1244. Nuk besoj që kjo Qeveri apo kushdo që do të ishte në pushtet, do të pranonte të kthente këtë Rezolutë edhe pse ajo mbetet ende valide”, tha Raci.
“Çdo propozim për draft-statutin, natyrisht sipas akt vendimit të Gjykatës Kushtetuese të vitit 2015, duhet të shënohet nga Qeveria edhe me një akt juridik, siç ka qenë edhe dekret qeveritar, ku duhet të shkojnë tek Gjykata Kushtetuese për rishqyrtim”, shtoi tutje ai.
Raci riktheson se Kosova ka dy nivele të qevrisjes dhe nuk ka mundësi për nivel të tretë.
“Unë besoj që Gjykata Kushtetuese e ka parasysh Kushtetutën sepse ajo vepron mbi Kushtetutën e Kosovës dhe elementet që mund të jenë shqetësuese për funksionimin e këtij mekanizimi, nuk do të kalojnë, sepse e dimë shumë mirë që me Kushtetutën në fuqi, në Kosovë janë dy nivele të qeverisjes, ai qendror dhe ai lokal dhe nuk ka mundësi të ketë nivel të tretë”, tha Raci.
“Edhe Shtetet e Bashkuara të Amerikës e kanë bërë shumë të qartë që Asociacioni nuk do të ketë kompetenca ekzekutive dhe Gjykata Kushtetutese do ta thotë fjalën e fundit”, tha Raci për GazetaBlic.
