Një protestë e vogël është organizuar sot në veri të Mitrovicës, ku rreth 100 qytetarë serb kanë protestuar kundër ndalimit të importit të mallrave nga nga Serbia në Kosovë.
Ata kanë filluar të nënshkruajnë edhe peticion për lejimin e këtyre mallrave, përmes të
cilit kërkojnë nga organet gjegjëse lejimin përsëri dhe pa pengesë të këtyre mallrave në Kosovë
Në shenjë përkrahje për këtë protest, gjitha lokalet në very të Mitrovicë janë mbyllur nga ora 12:00 deri në ora 14:00.
Kujtojmë se Qeveria e Kosovës më 14 qershor kishte ndaluar hyrjen në Kosovë të kamionëve me targa serbe dhe importin e mallrave me origjinë nga Serbia për arsye sigurie.
Këtë vendim Qeveria e kishte marrë si përgjigje ndaj kidnapimit të tre policëve të Kosovës nga forcat serbe, të cilët më pas ishin liruar.
Ndërkohë, tash lejohet hyrja në Kosovë e kamionëve me targa të Serbisë, por jo edhe qarkullimi i mallrave serbe.
