Kreu i Partisë Demokratike të Kosovës, Memli Krasniqi ka reaguar pas konferencës së jashtëzakonshme të ambasadorit amerikan në Kosovë, Jeffrey Hovenier, i cili tha se situata me dinarin ka ndikuar në partneritetin e SHBA-së me Kosovën.
Sipas tij një situatë e tillë nuk është vetëm e dhimbshme por edhe alarmante pasi kryeministri Kurti dhe qeveria e tij me gabimet e tyre po e sjellin punën që të dëmtohen raportet ShBA-Kosovë.
“Një situatë e tillë nuk është vetëm e dhimbshme por edhe alarmante sepse kur zoti Kurti dhe Qeveria e tij me veprimet dhe gabimet e tyre e sjellin punën që qeveria amerikane edhe përmes ndihmë sekretarit të shteti edhe përmes deklarimit të konferencat të jashtëzakonshme të ambasadorit të ShBA-ve në Kosovë del dhe e thotë qartazi se partneriteti mes Kosovës dhe Amerikës është dëmtuar”.
Krasniqi u shpreh se Kurti nuk e ka legjimitetin e shkatërrimit të aleancave të Kosovës.
“Albin Kurti nuk e ka legjimitetin me i shkatërrua aleancat e Kosovës, Kurti ka fituar zgjedhjet për t’i realizuar premtimet që u ka dhënë njerëzve”.
Sipas tij automatikisht duhet ndërmarrë veprime për të ndryshuar dhe kthyer ky raport qenësor ekzistencial i Kosovës aty ku ka qenë, dhe se nuk do e lejojnë ta bëj një gjë të tillë.
“Automatikisht duhet ndërmarrë veprime për të ndryshuar dhe kthyer ky raport qenësor ekzistencial i Kosovës aty ku ka qenë dhe aty ku e dëshirojnë qytetarët e vendit tonë”.
