Shefja e Grupit Parlamentar të Vetëvendosjes, Mimoza Kusari-Lila, sot ka folur në një konferencë për media pas mbajtjes së mbledhjes së Kryesisë së Kuvendit.
E pyetur për masat ndaj Kosovës që vazhdojnë të jenë në fuqi, Kusari-Lila ka thënë se mbajtja e tyre në fuqi është një gjë e pakuptimtë.
Kusari-Lila ka thënë se janë vendosur masa për Kosovën vetëm pse i ka dërguar kryetarët e zgjedhur në Veri nën përcjellje policore, ndërkohë që ndaj Serbisë s’ka masa edhe përkundër se ka organizuar sulmin terrorist të 24 shtatorit dhe ka planifikuar edhe sulm tjetër, shkruan Express.
“ Mbajtja e masave ndaj Kosovës në kohën kur sot dalin informacione se Serbia jo vetëm qëndron prapa sulmit të 24 shtatorit por edhe ka planifikuar sulm tjetër”, ka potencuar shefja e deputetëve të VV-së.
“Në këtë situata ku jemi, në Kosovë janë masat në fuqi për shkak të kryetarëve në Veri, e në Serbi s’ka masa edhe përkundër se kanë organizuar sulm terrorist dhe kanë vrarë edhe një polic të Kosovës”, a shtuar Kusari-Lila
“Diskutimi i këtyre masave është i pakuptimtë”, ka thënë ajo.
