Presidentit të Serbisë, Aleksander Vucic, nuk i ka pëlqyer qëndrimi i Departamentit Amerikan të Shtetit lidhur me dy emrat e propozuar për pozita në Qeverinë e re të Serbisë, emrat të cilët janë nën sanksionet e SHBA-së.
Vuçiq ka thënë se s’është i kënaqur me reagimin amerikan dhe se Qeveria e Serbisë është zgjedhur nga qytetarët serbë.
“Shpresoj që do të kemi marrëdhënie të mira me partnerët tanë amerikanë. Është jashtëzakonisht e rëndësishme që të kemi marrëdhënie të mira. Nuk jam i kënaqur me reagimin e tyre, por Qeveria e Serbisë është e zgjedhur nga qytetarët e Serbisë”, tha Vuçiq.
Në një përgjigje nga DASH për Gazetën Express, Qeveria Amerikane kanë sqaruar se SHBA s’ka kurrfarë roli në formimin e qeverisë serbe, por se janë të zhgënjyer që dy individë të sanksionuar nga SHBA gjenden në listën e emrave të propozuar për të marrë poste në Qeverinë e Serbisë.
“SHBA s’luan asnjë rol në krijimin e qeverisë së Serbisë. Ne jemi të zhgënjyer të shohim dy individë të sanksionuar që janë propozuar për pozita në qeverinë e re. Pozicioni ynë për z.Vulin është i ditur Ai mbetet nën sanksionet e SHBA”, ka thënë për Gazetën Express një zëdhënës i Departamentit Amerikan të Shtetit.
Ish-shefi i BIA-s, Aleksander Vulin, është propozuar si emër për zëvëndëskryeministër në qeverinë e re të Serbisë. Përveç Vulin, në Qeverinë e re të Serbisë pritet të jetë edhe i sanksionuari tjetër nga SHBA Nenad Popoviq. Mandatari për krijimin e Qeverisë së re Milosh Vuçeviq e ka propozuar atë që ta ketë rolin e ministrit pa portofol.
