Ish-kryenegociatorja e Kosovës, Edita Tahiri, ka vlerësuar se kryeministri Albin Kurti synon ta hap ‘Urën e Ibrit’ për të kaluar Asociacionin e Komunave me Shumicën Serbe.
Lidhur me këtë çështje, në një prononcim për GazetaBlic, ka folur ish-deputeti Fatmir Humolli.
Humolli tha se bllokimi i ‘Urës së Ibrit’ nuk është interes i popullatës, por një hap i Serbisë, që nëse nuk munden me marrë krejt Kosovën ta marrin një pjesë të saj.
“Ura e Ibrit është bllokuar nga KFOR-i edhe pse e ka mandatin me siguru lëvizjen e lirë në Kosovë. Bllokimi i urës nuk është interes i popullatës po hap i Serbisë në bashkëpunim me miqët e Serbisë në kuader të KFOR-it, që nëse nuk munden me marrë krejt Kosovën me marrë një pjesë të Kosovës”, tha Humolli
Tutje ai thotë se është gabim kushdo që i bënë presion Kosovës për të mos e hapur ‘Urën e Ibrit’.
Sa i përket deklaratës së ish-kryengociatorës, Humolli thotë se zonja Tahiri ka provu në variantin e vet mirëpo Serbia është fuqizu edhe më shumë.
“Për këtë nga BE bëhet presion që për hapjen e urës të bisedohet me Serbinë. Është gabim kushdo që i bën presion Kosovës që mos me hap urën. Edita Tahiri ka provu në variantin e vet po Serbia është fuqizu”, shtoi ai.
“Ende sot jemi duke u marrë me urën brenda Kosovës me pyet Serbinë a e hapim apo jo. Aty ku e ka mirë Albini duhet me përgëzu e aty ku e ka gabim me kritiku. Opozita po e kritikon mu aty ku është mirë dhe është interes i Kosovës me perkrahë të gjithë. Se botën jemi duke e parë sëpaku qe 25 vite” tha Humolli për GazetaBlic.
