Deputeti i Lidhjes Demokratike të Kosovës, Driton Selmanaj ka sjellë në kujtesë premtimet e kryeministrit Albin Kurti për arsimin, duke i vlerësuar si “dështime” e me “zero ndryshime”.
Selmanaj, përmes një reagimi thotë se sot u mbyll edhe një vit akademik për fëmijët kosovarë me zero ndryshime, njëherit duke thënë se “shteti nuk mbahet me fjalë e me rima, por me strategji, punë dhe ekip”.
“E Kurti, përveç fjalimeve, nuk ka as strategji, as punë dhe as ekip”, pohon ai, raporton Paparaci.
“Sot u mbyll edhe një vit akademik për fëmijët kosovarë. Që nga 14 Shkurti 2021, këto kanë qenë ndryshimet kryesore në arsimin në Kosovë.
❌ Qershor 2021 – Mbyllet viti akademik me ZERO ndryshime.
❌ Shtator 2022 – Fillon viti i ri akademik me ZERO ndryshime.
❌ Qershor 2023 – Mbyllet viti akademik me ZERO ndryshime.
❌ Shtator 2023 – Fillon viti i ri akademik me ZERO ndryshime.
❌ Qershor 2024 – Mbyllet viti akademik me ZERO ndryshime.
❌ Shtator 2024 – Do të fillojë viti i ri akademik me ZERO ndryshime.
Politikanët duhet të mbahen për fjalë. Përmes videos më poshtë i’a rikujtojmë 14 DËSHTIMET e 14 SHKURTIT të Kryeministrit Kurti.
Shteti nuk mbahet me fjalë e me rima, por me strategji, punë dhe ekip. E Kurti, përveç fjalimeve, nuk ka as strategji, as punë dhe as ekip.
Ndërkohë, ua kujtojmë që edhe në Norvegji viti akademik mbyllet në të njëjtën kohë!”, shkruan deputeti Selmanaj.
