KF Trepça fillon një kapitull të ri në historinë e saj me emërimin e Ajet Shosholli drejtor të përgjithshëm.
Klubi përmes një postimi në Facebook ka njoftuar se ish trajneri i mirënjohur kosovar, Ajet Shosholli, është eméruar drejtor i përgjitshëm, shkuran Veriu.info
Postimi i plotë:
Me krenari dhe entuziazëm të madh, klubi ynë njofton emërimin e zotit Ajet Shosholli si Drejtor i Përgjithshëm.
Një figurë që ka lënë gjurmë të thella në historinë e futbollit kosovar, Shosholli sjell me vete një pasuri të madhe përvoje, vizioni dhe përkushtimi për sportin.
Në këtë pozitë të re, Ajet Shosholli do të jetë përgjegjës për drejtimin dhe menaxhimin e përgjithshëm të klubit, duke u siguruar që të gjitha aspektet e operacioneve tona të jenë në përputhje me standardet më të larta të profesionalizmit dhe ekselencës.
Ai do të punojë ngushtë me stafin dhe lojtarët për të zhvilluar dhe zbatuar strategji që do të rikthejnë klubin në majat e futbollit kosovar dhe do të sjellin fitore të mëdha për tifozët tanë besnikë.
Mirë se vjen, Ajet Shosholli, në pozicionin e Drejtorit të Përgjithshëm.
Së bashku me ju, klubi ynë është i gatshëm të nisë një kapitull të ri dhe emocionues të suksesit dhe lavdisë.
#newchapter, #metypërtygjithëjetënTREPÇA
