Presidenti amerikan Joe Biden u përpoq të “kthehej në jetë” me një intervistë radiofonike dhe ta fuqizonte pozicionin e tij në fushatë, shkruan New York Times, por në vend të kësaj ai belbëzoi përsëri, u përpoq të gjente fraza dhe fjalë dhe në një moment deklaroi se ishte “krenare që jam gruaja e parë me ngjyrë që shërbeu me një president me ngjyrë”.
Sipas New York Times, ai dha një intervistë për një radio dhe stacion televiziv afrikano-amerikan në Filadelfia, dhe në të njëjtën kohë u mburr për emërimin e gruas së parë me ngjyrë në Gjykatën e Lartë dhe zgjedhjen e gruas së parë me ngjyrë si zëvendëspresidente e SHBA-ve.
Mirëpo, duket se ka ngatërruar sërish tenxheret. Sipas New York Times, Presidenti Biden ka gabuar më shumë se një herë. Ai gjithashtu bëri gabim duke pretenduar se ishte presidenti i parë nga Delaware, duke harruar John F. Kennedy-n.
Të gjitha paraqitjet e Biden tani do të jenë nën një vëzhgim intensiv dhe përpjekjet e tij për të bindur popullin amerikan, partinë dhe donatorët, se ai është mendërisht i aftë të udhëheqë një fushatë përpara një prej zgjedhjeve presidenciale më të rëndësishme në historinë amerikane, nuk duken të suksesshme deri tani.
Dëgjoni performancën e Biden:
