Të premten e kaluar u shkaktua kaos në fushën e IT-së, pasi një defekt kibernetik bëri që pajisje teknologjike në të gjithë botën të “shuhen” përkohësisht.
Kompania globale, Crowdstrike ka thënë se problemet kibernetike që janë shkaktuar të premten në gjithë botën, janë pasojë e një “defekti” gjatë përditësimit të një sistemit të saj.
Më së shumti probleme pati Microsoft, kompania që menagjon pothuajse të gjithë kompjuterët e botës. Programi Windows i kompjuterëve dështoi të luftojë defektin, që pasoi me rënie të më shumë se 8.5 milionë pajisjeve kompjuterike.
Reutersi raporton se, pavarësisht defektit që nuk u mënjanua nga Crowdstrike, Microsoft nuk planifikon t’i kufizojë kësaj kompanie qasjen në serverët e saj.
“Nuk ka asnjë shenjë nga Microsoft, për të kufizuar qasjen e Crowdstrike në sistemin operativ të kompanisë”, tha për Reuters një person i njohur me këtë çështje.
Crowdstrike është kompani krijon softuerë për të luftuar viruset kompjuterike.
