Ish-konkurrentja e emisionit të dashurisë – “Për’puthen”, Shqipe Hysenaj është mjaft aktive sa i përket rrjeteve sociale, në të cilat publikon fotografi e video gjatë aktiviteteve të përditshme.
Shqipja ka qenë e ftuar së fundmi në emisionin “Shqipëria Live” ku foli për udhëtimin e saj në Dubai.
Ajo tregoi se ka qenë së bashku me vëllain dhe se kishte marrë me vetë 5 mijë euro për 10 ditë.
“Nuk ka jetesë të mesme në Dubai, aty është ose e ulët ose e lartë. Kam qenë me vëllain. Nuk është se ka ndonjë shtrenjtësi të madhe për të shkuar në hotel. Flas për njerëzit që punojnë. Njerëzit që nuk punojnë është më e shtrenjtë”, tha Shqipja.
“Unë 5 mijë euro i mora me vete dhe më tepruan. Doja të shikoja më shumë gjëra por nuk më doli koha. Doja 5 ditë të tjera. Qëndrova 10 ditë dhe shpenzova gati 5 mijë euro, pa jetë nate. Kur lëvizja në plazhe të tjera, kishte kosto ekstra”, u shpreh ajo.
