Zv.kryeministri i Maqedonisë së Veriut, Izet Mexhiti i ka uruar mirëseardhje kryeministrit të Kosovës, Albin Kurti duke thënë se ky takim shënon edhe një hap të rëndësishëm për të ardhmen e përbashkët të regjionit.
Përmes një postimi në rrjetin social Facebook, Mexhiti ka thënë se me Kurtin diskutuan për çështje të rëndësishme për forcimin e marrëdhënieve ndërmjet dy shteteve.
“Diskutuam çështje të rëndësishme për forcimin e bashkëpunimit ndërmjet dy shteteve tona , me fokus të veçantë tek lidhjet tona të forta, të cilat synojmë t’i forcojmë edhe më tej”, ka shkruar Mexhiti.
Ai ndër të tjera ka treguar se ky takim shënon një hap të rëndësishëm për të ardhmen e përbashkët të regjionit duke demonstruar bashkëpunimin e ngushtë dhe të suksesshëm mes Maqedonisë së Veriut dhe Kosovës.
“Ky takim shënon edhe një hap të rëndësishëm për të ardhmen e përbashkët të regjionit, duke demonstruar bashkëpunimin e ngushtë dhe të suksesshëm mes Maqedonisë së Veriut dhe Republikës së Kosovës. Përmes këtij bashkëpunimi, synojmë të përmirësojmë pozitën e tonë në nivel rajonal dhe ndërkombëtar. Mirë se erdhe, kryeministër”, përfundoi Mexhiti.
