Deputeti i Partisë Demokratike të Kosovës, Hajdar Beqa ka thënë se pas deklarimit të sotëm publik, Prokuroria Speciale do të duhej ta ftonte Sami Kurteshin për dhënë deklaratë, e cila, mbasë shkruan Beqa do të mund të ndihmonte në ndriçimin e rastit Dehari.
Deputeti i PDK-së ka thënë se VV erdhi në pushtet me premtimin për ta zbardhur këtë rast, por pas 4 vitesh qeverisje, ata, sipas tij, nuk e kanë bërë hapin më të vogël për të mundësuar zbardhjen e tij.
“Madje përkundrazi, LVV me gjithë mekanizmat e saj u vunë në lëvizje dhe vepruan në mënyrë të koordinuar në pengimin e komisionit hetimor për rastin Dehari, zhdukjen e mostrave të këtij rasti, dogjën dy herë gjatë mandatit Institutin e Mjekësisë Ligjore-IML ku ruheshin mostrat! Sikur nuk u mjaftojë e gjithë kjo, ata “mostrat e zhdukura” i kthyen vetëm pasi u siguruan se dogjën edhe sistemin e kamerave në IML”, ka shkruar ndër të tjera ai.
