Ditën e djeshme Policia e Kosovës ka arrestuar në Mitrovicë një person nën dyshimin e trafikimit ndërkombëtar me narkotik.
I njëjti është arrestuar nën dyshimin për këtë vepër vite më herët.
Veriu.info ka dërguar pyetje në adresë të kompanisë ETC, lidhur me personin në fjalë dhe rolin e tij në kompani.
ETC përmes një përgjigje me shkrim ka thënë se personi në fjalë punon në këtë kompani nga viti 2012 dhe se ai ka qene pergjegjes i sigurimit fizik në marketin ETC në Mitrovicë. Roli I tij ka qenë për kujdesin e sigurisë në market, sipas detyrave dhe përgjegjësive të punëtorëve themelor të sigurimit, i cili ka qenë i licensuar nga Ministria e Puneve të Brendshme, ashtu siç e parasheh ligji.
Po ashtu Lushta shihet se ka fotografi edhe me pronarin e ETC-së, Ramiz Kelmendi, dhe në pyetjen se cili është raporti i tij me pronarin e kompanisë, ETC ka dhënë këtë përgjigje: “Nuk ka asnje raport te veqante, pervec pergjegjesise, sipas pozites te cilen e ka pasur ne kompani. Ndersa, sa I perket fotografise, kjo ka mundur te ndodhe gjate ndonje vizite te pronarit te kompanise Z.Ramiz Kelmendi ne market dhe natyrisht se secili mund te beje fotografi me pronarin.”
Kjo është fotografia e Lushtës me Kelmendin.
Të pyetur se prej kur punon në ETC Fuad Lushta dhe për përgjegjësitë e tij, kjo kompani ka thënë: “I lartepermenduri ka filluar punen ne vitin 2012 ne ETC Mitrovice. Personi ne fjale ka qene pergjegjes I sigurimit fizik ne marketin ETC ne Mitrovice. Roli I tij ka qene per kujdesin e sigurise ne market, sipas detyrave dhe pergjegjesive te punetoreve themelor te sigurimit, I cili ka qene I licensuar nga Ministria e Puneve te Brendshme, ashtu sic e parasheh ligji”.
Duke pasur parasysh foton e përbashkët, nga ETC janë përgjigjur edhe për raportin e tij me Ramiz Kelmendin, pronarin e kësaj kompani.
“Nuk ka asnje raport te veqante, pervec pergjegjesise, sipas pozites te cilen e ka pasur ne kompani. Ndersa, sa I perket fotografise, kjo ka mundur te ndodhe gjate ndonje vizite te pronarit te kompanise Z.Ramiz Kelmendi ne market dhe natyrisht se secili mund te beje fotografi me pronarin”, thuhet në përgjigjen e ETC për Veriu.info.
“Theksojme se neve si kompani nuk ka intereson aktiviteti I tij I paraluftes, pra kohes derisa nuk ka qene I punesuar ne kompanine tone. I lartepermenduri prej kohes qe ka qene punetor ne kompanine tone, ka pasur dokumentacionin e nevojshem per Punetor te Sigurimit Themelor, duke pasur Licencen e leshuar nga Ministria e Puneve te Brendshme, ku ne si kompani serioze ne vend, I besojme Institucioneve te Republikes se Kosoves”, përfundon përgjigja e ETC-së.
