Pas disa muajshë gjykim, sot Gjykata Speciale e ka shpallur vendmin për dy ish-ushtarët e UÇK-së njëherësh ish- barëtësit e oragnizatave të dalura nga lufta (OVL), Hysni Gucati dhe Nasim Haradinaj, duke i shpallur fajtorë dhe dënuar të dy me nga katër vjet e gjysmë burgim, siç pretendohet nga trupi gjykues, për vepren ‘zbulimin e dokumenteve konfidenciale të Prokurorisë së Hagës’, transmeton Kosova Post.
Por kështu e kundërshtonte votimin e Gjykatës Speciale figura emblematike e UÇK-së, përkatësisht ish-deputeti Lëvizjes Vetëvendosje, Rexhep Selimi.
Në seancën e Kuvendit, që ishte mbajtur në gusht të vitit 2013, në kapacitetët e deputetit dhe të ish themeluesit të UÇK-së, Rexhep Selimi iu kishte lutur ish-bashkluftëtarit të tij,- askohe kryeparlamentar i Kuvendit të Kosovës, Jakup Krasniqit, sot i akuzuar nga gjykata përkatëse, që të mos lejonte mundësinë për votim të Gjykatës Speciale.
Kjo ishte lutja e Selmit për Krasnqin
“Zoti kryetar, ju lutem, mos lejoni që të vazhdojë kjo seancë dhe të miratohet apo të votohet kjo rezolutë. Zoti kryetar, duhet të jemi të vetëdijshëm që kjo rezolutë është kundër interesave të qytetarëve të Kosovës, kjo rezolutë është kundër pavarësisë së Kosovës, mos e lejoni. Sot është mëngjesi më i rëndësishëm për Kosovën, mos e lejoni sepse edhe ju, edhe të gjithë ne do të biem pishman dikur por do të jetë vonë. Nuk kemi nevojë të shkojmë prapa tradhtisë por duhet ta ruajmë pavarësinë e Kosovës, ashtu siç i kemi shpallur. Kjo rezolutë vetëm interesat e klaneve të Hashim Thaçit i mbron, nuk mbron interesin e Kosovës, nuk mbron interesin e pavarësisë së Kosovës. Mos e lejoni zoti kryetar, Jakup Krasniqi, mos e lejo, mos e lejo, mos e lejo sepse nesër do të jetë vonë. Sot është mëngjesi më i rëndësishëm për ata që kanë punuar dhe luftuar qytetarët e këtij vendi, mëngjesi më i rëndësishëm, nyja, udhëkryqi, ja me Kosovën jashtë Serbisë, ja me Serbinë brenda Kosovës. Prandaj, vendosni për të parë, me Kosovën jashtë Serbisë, nuk ka duhet Serbia as në veri, as në parlamentin e Kosovës, është në duart e të gjithë deputetëve që sot të ndahen në mes të turpit dhe detyrës që e kanë si deputetë të parlamentit të Republikës së Kosovës”.
