Deputetja nga Partia Demokratike e Kosovës, Ganimete Musliu, thotë se qyteatrët janë të zhgënjyer me qeverisjen e Kurtit dhe pushtetin e tij gjatë këtyre 4 viteve. Musliu në një intervistë për GazetaBlic, thotë se PDK është e gatshme që të kontribojë në zgjedhje dhe ta kthej Kosovën në binarët e duhur.
“Tani unë nuk jam falltore e me qit fall edhe me thanë që qikaq % kemi me i fitu, sepse unë besoj në votën e lirë të qytetarëve të Republikës së Kosovës. Ajo që unë kam vrejt gjatë kësaj kohe është që kam pa një idhnim të madh të qytetarëve dhe një zhgënjim të jashtëzakonshëm të qytetarëve të Repubikës së Kosovës, ndaj trajtimit që i ka ba Albin Kurti dhe pushteti i tij gjatë këtyre 4 viteve. PDK është një parti mirë e organizuar, mirë e strukturuar ka antarësi jashtëzakonisht stabile, puntore, konstruktive, një strukturë e cila asgjë nuk qet mbi shtetin e Kosovës, mbi sovranitetin e Kosovës, mbi pavarsinë e Kosovës.
Sot më shumë se kurrë PDK është e gatshme që të dal dhe të kontriboj në zgjedhje dhe ta kthej Kosovën në binarët e duhur”, tha ajo.Deputetja thekson se kandidati më i mirë dhe më i përgatitur në këto zgjedhje është Bedri Hamza, ku shprehet e bindur se ai do të jetë fitues i zgjedhjeve të vitit 2025.
Musliu thotë se Bedri Hamza, nuk e ka prioritet të qenurit kryeministër por shpëtimin e Kosovës nga humnera në të cilën e ka vendos Albin Kurti.
“Unë jam shumë e bindur që kandidati më i mirë, më i përgatitur dhe më i dëshmuar profesionalisht dhe mbi të gjitha më i dinjitetshëm dhe me integritetin më të lartë njerëzor, në këto zgjedhje është Bedri Hamza, i cili është kandidat i PDK dhe i cili gëzon një përkrahje gjithë popullore jo vetëm të PDK, në cdo ditë takojmë qytetarë të ndryshëm të cilët kanë qenë të papërcaktuar ose të cilët janë të zhgënjyer me pushtetin aktual që radhiten në krahun e kandidaturës së Bedri Hamzës. Unë jam shumë e bindur që Bedri Hamza do të jetë kryeministër pas zgjedhjeve të 2025, mirëpo Bedri Hamza nuk e ka prioritet të qenurit kryeministër, ai prioritet e ka shpëtimin e Kosovës nga humnera ku e ka vendos Albin Kurti”, shtoi ajo.
Deputetja nga PDK, ironizon keq me LVV ku sipas saj janë të gjithë ‘falltorë’ pasi që parashohin rezultatin dhe ua imponojnë zgjedhjen qytetarëve.Ajo për fund thotë se qytetarët e Kosovës do të jenë në festë me Partinë Demokratike të Kosovës.
“LVV janë të gjithë falltorë, se ata e parashohin rezultatin, ata e dinë mendjen e qytetarëve se si voton, ata e imponojnë zgjedhjen tek qytetarët, ata nuk e respektojnë vullnetin e qytetarëve. Ne do t’jau lëmë qytetarëve të Kosovës ta thonë fjalën e tyre, PDK ka vendos një standard shumë të lartë për zgjedhjet në Kosovë, duke pranuar rezultatet e zgjedhjeve në kohë rekorde edhe atëhere kur e ka humb pushtetin, qytetarët e Republikës së Kosovës do të jenë në festë me PDK për Kosovën”, përfundoi Musliu për GazetaBlic.
