Deputeti i LDK-së, Avdullah Hoti, ka kritikuar Projektligji për kontabilitet, raportim financiar dhe auditim.
Ai ka bërë me dije se ky projektligj dëmton cilësinë e raportimit financiar në Kosovë dhe e përkeqëson ambientin për biznes.
Në profilin e tij në “Facebook”, Hoti ka treguar për të metat e këtij projektligji.
“Projektligji për kontabilitet, raportim financiar dhe auditim e dëmton cilësinë e raportimit financiar në Kosovë dhe e përkeqëson ambientin për biznes. Ky projektligj me vetëm 7 nene, i cili e amendamenton ligjin në fuqi, e përkeqëson cilësinë e raportimit financiar në Kosovë. Ai do të ketë ndikim negativ: në tregun e kredive, në investime jashtme dhe të brendshme në sektorin privat, si dhe në besueshmërinë e përgjithshme të publikut dhe investitorëve në raportimet financiare të korporatave në Kosovë”, ka shkruar ai, duke treguar mangësitë e projektligjit në fjalë.
Ai ka kërkuar që ky projek
“Si i tillë, ky projektligj duhet të kthehet prapa. Me ndihmën e Bankës Botërore dhe organizatave të tjera relevante, si dhe me përfshirjen e shoqatave profesionale të kontabilitetit dhe auditimit, duhet të përgatitet projektligji i ri që e zëvendëson plotësisht ligjin ekzistues dhe që transpozon në tërësi direktivat e Bashkimit Evropian në fushën e raportimit financiar. Në asnjë formë nuk duhet të cenohet integriteti dhe pavarësia e shoqatave profesionale të kontabilitetit dhe raportimit. Ka arsye të fuqishme që ligji ekzistues e ka definuar pavarësinë e tyre dhe ndërlidhjen e funksionimit të tyre me Federatën Ndërkombëtare të Kontabilitetit”, ka shkruar Hoti.
