Sa më shumë që po afrohen zgjedhjet parlamentare të caktuara me 9 shkurt 2025, aq më tepër po aktivizohen strukturat e partive politike.
Në vazhdën e themelimit të shtabeve zgjedhore në vend dhe diasporë, PDK ka formuar edhe një shtab zgjedhor në Gjermani, shkruan VeriuInfo.
Nga foto e publikuar nga momenti i themelimit, shihet se drejtuesit e këtij shtabi mbledhjen e kanë mbajtur nën shoqërimin e shisheve të alkoolit mbi dhe nën tavolinë, raporton VeriuInfo.
Postimi i PDK:
Strukturat e PDK-së në Bayern dhe Thüringen themelojnë Shtabin Zgjedhor
Struktura themeltare e PDK- së në Bayern dhe Thüringen të Gjermanisë ka themeluar Shtabin Zgjedhor.
Kryetar i Shtabit Zgjedhor të Degës, është zgjedhur Fetah Hajra, ndërsa nenkryetar Tajar Rexhepi.
Në takim u bisedua edhe për mobilizimin e të gjithë strukturave të partisë për zgjedhjet e përgjithshme që do të mbahen në shkurt.
