Ministri i Financave, Hekuran Murati, ka njoftuar se sot janë ekzekutuar pensionet për të gjitha kategoritë, me rritjen prej 20 %.
“Qeveria për të gjithë!”, ka shkruar Murati.
Kjo rritje prej 20 % është kritikuar nga opozita si një lëvizje politike në prag të zgjedhjeve të 9 shkurtit.
Njoftimi i plotë:
Sot është bërë ekzekutimi i pensioneve siç bëhet rëndom sipas kalendarit me datën 15 të muajit.
Duke filluar nga ky muaj, skemat si vijon ekzekutohen me rritjen prej 20%:
– Pensioni Bazik i Moshës,
– Pensioni Kontributpagues, i plotë dhe parcial,
– Pensionet për Aftësi të Kufizuara,
– Pensioni për Personat e Verbër,
– Pensioni për Paraplegjikë dhe Tetraplegjikë,
– Pensioni Invalidor i Punës,
– Pensioni Familjar, dhe
– Pensioni i Parakohshëm i Trepçës.
Qeveria për të gjithë!
