Deputetët e Lëvizjes Vetëvendosje nuk kanë marrë pjesë në tre seancat e jashtëzakonshme të thirrura nga opozita.Në lidhje me mungesën e tyre në këto seanca ka folur për “Gazeta Blic”, ish-ambasadori i Kosovës në Maqedoninë e Veriut, Gjergj Dedaj.
Dedaj tha se ‘Lëvizja populiste e ekstremit të majtë, VV, po ikë nga ballafaqimi me të verteten’.
Sipas Dedajt, të gjitha rastet e korrupsionit të cilat janë zbuluar, ja kanë lëkundur themelet pushtetit totalitar të Albin Kurtit.
Ai tha se deputetët e pozitës, me mos prezencen e tyre, po tentojnë t’i minimozojnë këto skandale.
“Lëvizja populiste e ekstremit të majtë VV, po ikë nga ballafaqimi me të verteten në seancat e jashtëzakonshme të Kuvendit të Kosovës. Korrupsioni enorm, rasti Mimoza, Dejona, FSK, Nagipi, Rozeta etj janë raste të frikshme të cilat ia kan lëkundur themelet pushtetit totalitar të Albin Kurtit, i cili po del se është i zhytur në krim dhe në korrupsion, prandaj deputetët e mazhorancës me mos prezencen e tyre në seanca të Kuvendit të Kosovës, po tentojnë t’i minimozojnë kēto skandale antishtetërore, të cilat janë duke e rrezikuar shtetin e Kosovës, imazhin dhe të ardhmen euroatlantike të Republikës së Kosovës” tha Dedaj për “Gazeta Blic”.
Dedaj tha se prokuroria duhet urgjentisht t’i kontaktoj të gjithë ata që janë duke shkelur ligjin dhe rrezikuar Kushtetutën në bashkëpunim me terroristët e Serbisë.
“Deinstitucionalizimi, anarkia dhe krijimi i partisë shtet përmes metodave mafioze, diktatoriale dhe staliniste, duke bashkēpunuar me terroristët serb për tema shtetërore, janë çështje të cilat duhët t’a venë në levizje dhe t’a shqetësojnë prokurorinë e shtetit, AKI dhe mekanizmat tjerë të sigurisë, për t’a mbrojtur kushtetutshmërinë, ligjshmerinë dhe integritetin e shtetit të Kosovës, të cilin e ka rrezikuar pushteti aktual.
Askush nuk është mbi ligjin dhe urgjentisht prokuroria speciale duhet t’i kontaktoj të gjithë ata të cilët janë duke shkelur ligjin dhe rrezikuar Kushtetuten dhe sovranitetin e Republikës së Kosovës, në bashkëpunim dhe koordinim me terroristët e Serbisë, siq është Milan Radojçiq” tha Dedaj në përgjigjen e dhënë për “Gazeta Blic”.
Opozita thirri tre seanca të jashtëzakonshme në lidhje me përgjimet Kusari-Lila-Simiq, çështja e ushiqmit në FSK dhe mesazhet Mihali-Krasniqi.
