Nacionale gjatë ditës ka qëndruar në vendin ku është ndërtuar stalla për të cilën u dhanë këto para publike.
Mes tjerash, Nacionale ka kontaktuar edhe numrin e biznesit, ku në telefon është përgjigjur një grua, e cila ka thënë se është familjare e Blerim Pacollit, por pa specifikuar se kush konkretisht.
Ajo ka pasur akuza të rënda ndaj mediave që po e përcjellin këtë rast, derisa më vonë, në një shkrim në Facebook, edhe Fitore Pacolli paralajmëroi padi ndaj të gjithë gazetarëve që raportuar rreth kësaj.
Më poshtë, ndiqni videon dhe transkripten nga biseda me anëtaren e familjes Pacolli.
Besarta: A është numri i Blerim Pacollit?
Familjarja: Po?
Besarta: Besarta prej Nacionale, a jeni lodhë, qysh jeni?
Familjarja: Mirë
Besarta: Me kë po bisedoj?
Familjarja: Me familjar.
Besarta: A mundeni me ma jep Blerimin, më fal?
Familjarja: Unë veç dokumentat muj me t’i qitë, Blerimi nuk muj me ta dhënë se nuk është këtu për qitash. A po i don dokumentat me ti qitë?
Besarta: Poo, çfarë dokumentash?
Familjarja: …që e ka fitu grantin, se ju jeni tu u marrë me sene palidhje, të kota, edhe po bëni propaganda. Gazeta Nacionale bile bash qajo, janë dokumentat që nuk e ka fitu grantin me hajni as me kurrgjë, veç me mundim.
Familjarja: Çka jeni tu thanë se s’kuptova? Po i ka pasë ma herët ka pasë dele, dhi, ka shit, i ka marrë, i ka ndrru loptë, ka bërë lopë. 10 hektarë tokë i ka, çka është kjo punë me juve, me juve gazetat që po thoni po na sulmojnë, kërkush nuk është kah ju sulmon po ju tani po sulmoni njerëz të tjerë. Ky është sulm. Çka po donë me thënë? Është ferma, hala nuk është zhvillu, është në proces, nuk e di pse po merrni me sene të kota, pse nuk merreni me diçka që është me u marrë, po me sene të kota.
Besarta: Zonjë bëhet fjalë për 100 mijë euro.
Familjarja: Ani bëhet fjalë, po nuk i ka vjedhë.
Besarta: Është vëllai i deputetes.
Familjarja: Pa marrë parasysh, tash nuk po dashka me ekzistu asnjë familjarë, nëse e ka dikë deputete, asnjë familjarë nuk po dashka me punu e ekzistu në këtë Kosovë a?
Besarta: A i ka ndihmu Fitorja vëllait të vet, a ka intervene?
Familjarja: Hiq nuk e ka ndihmu. Shkoni pytni atje në Ministrinë Bujqësore, nuk ka pasë aty Fitorja asnjë gisht, jeni shumë gabim, nuk ka Fitorja punë aty hiq, nuk merret Fitorja me atë punë hiq, mos i birni njerit në qafë pa nevojë.
Ma herët u hap firma, po u kan gabim. Firma u kan ma herët e kërkume, po janë kanë tri shkronja, që u dashtë me i shtu gabim e qato tri shkronja i kanë përshpejtue, më herët ka konkurrue, nuk është qetash, nuk është qathere.
Nuk ka Fitorja kontakt hiç me vëllain e vet, se e ka shpinë e vet Fitorja, e ka familjen e vet, vëllai e ka familjen e vet, kështu që nuk ka lidhje Fitorja, bile s’u marrë hiç me këtë punë, s’ka lidhje me punët e Blerimit. Dokumentacioni ekziston, shkoni në ministri kqyrni qysh e ka fitu, kush e ka fitu. I ka 10 hektarë tokë, nuk munet me i lanë e mos me u marrë me kurrgjë.
Është gabim, edhe prej juve, edhe prej gazetës, po bëni propagandë, shkoni në ministri, pytni.
Nëse e ka fitu, e ka fitu me punë, jo me hajduklluk….Më fal, tung e bafsh, tung, shkon në Bujqësi merru me të meqë koke kaq e zoja, se Fitorja nuk ka punë, edhe familja duhet me ekzistu diqysh, a me lanë atë tokë qashtu djerrinë. Tung e bafsh.
