Ish Kryetari Agim Bahtiri, ka thënë se ndjehet mirë që komuna e Mitrovicës është shpërblyer nga MAPL dhe Zyra e BE-së me 693,472 euro për performancën e treguar në vitin 2020, kohë kur qeveriste ai me komunën, transmeton Veriu.info
Postimi i Agim Bahtirit:
Ndjehem jashtëzakonisht i kënaqur që komuna e Mitrovicës është shpërblyer me Grantin e Performancës Komunale në shumën prej 693,472 euro për performancën e treguar nga qeverisja ime komunale në vitin 2020.
Ky grant që jepet nga Ministria e Administrimit të Pushtetit Lokal në bashkëpunim me Zyrën e BE-së, duhet të përdoret nga komuna e Mitrovicës në segmentet më të nevojshme, në mënyrë që përmes kësaj shume të fituar të ndikohet pozitivisht në zgjidhjen e problemeve të përditëshme të qytetarëve.
Duke u radhitur në top-komunat përfituese, komuna e Mitrovicës ka treguar është shembull i performancës së mirë në Qeverisje Demokratike, Menaxhim Komunal dhe Ofrim të Shërbimeve, fusha këto përmes të cilave është bërë poentimi për vitin 2020 dhe rezultatet pozitive po korren tash përmes shpërblimeve.
Linku: https://mapl.rks-gov.net/news/komunat-perfitojne-rreth-8-milion-euro-per-performancen-e-tyre-permes-grantit-te-performances-komunale/?cptadid=143
